Niyə İspaniya?

İspaniyada yaşamaq ən çox arzu olunan və romantikləşdirilmiş ideyalardan biri olmaqda davam edir. İspaniyanın nə ilə məşhur olduğu ilə maraqlanırsınızsa, çox şey var. İspaniya –  zəngin tarixi və mədəniyyəti, təhlükəsiz və siyasi sabitliyi, kristal kimi təmiz mavi bayraqlı çimərlikləri, il ərzində 320 gündən çox günəşli hava, il boyu tətilə bənzər həyat tərzi, canlı atmosferi, paella, sangria, tapas, siesta & fiesta, flamenko, İbiza, Barselona, Madrid və daha çox şeydir. Heç təsadüfi deyil ki, İspaniya Ümumdünya Turizm Təşkilatının “World Tourism Barometer” nəşrinə əsasən 2022-ci ildə yenidən dünyanın turistlər tərəfindən ən çox ziyarət edilən 3-cü ölkəsi olub (Fransa və Meksikadan sonra). Maliyyə institutları üçün məşhur xəbər agentliyi Bloomberg-in məlumatına görə, İspaniya dünyanın ən sağlam ölkəsi siyahısında birinci yerə çıxıb.

İspaniyaya xarici investisiya 2022-ci ildə 34.2 milyard avro olmuşdur ki, bu ölkə üçün indiyə qədər olan ən yüksək 2-ci göstərici sayılır. İspaniyanın Sənaye, Biznes və Turizm naziri Reyes Maroto : “Bu məlumatlar İspaniya iqtisadiyyatının gücünü və xarici investorların ölkəmizə olan böyük inamını göstərir. Yadda saxlamaq lazımdır ki, bu investisiyalar çox mürəkkəb qlobal bir şəraitdə baş verib. Bu çətin və qeyri-müəyyən beynəlxalq konteksdə İspaniya təhlükəsizlik və əminliyi təklif edir.”

Həyat yaşayışı keyfiyyətinə görə dünyada ilk 5 ölkə (HSBC Expat Explorer survey)